ကံကောင်းခြင်းများ ရောက်စေသတည်း

ကျွန်တော်တို့ ဘလော့ဂ်ကလည်း မြန်မာ တားရော့နဲ့ လီနော်မန်လို့ ဆိုက်နာမည် ပေးပြီးသကာလ မြန်မာနဲ့ မအပ်စပ်သလိုများတောင် ဖြစ်နေပြီလား မသိတော့ဘူး။ ဂျစ်ပဆီတွေအကြောင်း ပြောလိုက်၊ အင်းကွက်တွေ အကြောင်း ရေးလိုက်၊ ဆော်လမွန် ဘုရင်ကြီးဆီ ရောက်သွားလိုက်နဲ့ဆိုတော့ လာလည်တဲ့ စာဖတ်သူတွေလည်း တော်တော့်ကို စဉ်းစားစရာ ဖြစ်မှာပါပဲ။ `မြန်မာ´ ဆိုတဲ့ စကားလုံးကို သုံးရခြင်းကတော့ မြန်မာတွေ လုပ်ထားတဲ့ ဘလော့ဂ်ဆိုတာ သိသာစေဖို့ ဆိုလိုရင်း ဖြစ်ပါတယ်။ နောက်တစ်ခုက တားရော့၊ လီနော်မန်တွေ အကြောင်းကို တခြားဘာသာတွေနဲ့ ရေးသားတဲ့ ဆိုက်ဒ်တွေ တော်တော်များများ ရှိပြီး မြန်မာလိုရေးတာ မရှိသလောက်ပါ။ တားရော့ အကြောင်းကို ကိုချမ်းမြေ့ဦး က ရေးပေမယ့် လီနော်မန်အကြောင်းကတော့ ရေးမယ့်သူ မရှိလောက်ဘူးလို့ ထင်ပါတယ်။

ခု ဒီတစ်ခေါက် ပို့စ်မှာ ပြောချင်တာက တရုတ်တွေရဲ့ အဆောင်တွေနဲ့ ကိန်းဂဏန်းတွေ အက္ခရာ စကားလုံးတွေအပေါ် အရေးတယူ ရှိတဲ့ အယူအဆ၊ စွဲလန်းမှုတွေ အကြောင်းပါ။ တရုတ်နှစ်ကူး ပွဲတော်ကလည်း ရောက်ခါနီးပါပြီ။ အဲဒီအခါကျရင် အထက်က ပုံထဲကလို တရုတ်လူမျိုးတွေရဲ့ အိမ်၊ ဆိုင် တံခါးဝတွေမှာ ချိတ်ဆွဲထားတဲ့ fu 福 (ဖူ) ဆိုတဲ့ စာလုံးလေးကို တွေ့ပါလိမ့်မယ်။ ဒါပေမယ့် သေချာသတိထားကြည့်ရင် အဲဒီ စာလုံးကို စောက်ထိုး ချိတ်ဆွဲထားတာကို တွေ့ရပါလိမ့်မယ်။ အဲလို စောက်ထိုးထားခြင်းဟာ တရုတ်လူမျိုးတွေရဲ့ ထူးခြားတဲ့ အယူအဆ တစ်ခုလို့ ပြောချင်ပါတယ်။



fu 福 (ဖူ) ဆိုတဲ့ စကားလုံးရဲ့ အဓိပ္ပာယ်က Good Fortune, Blessing, Happiness (ကံကောင်းခြင်း၊ ပျော်ရွှင်ခြင်း) စတာတွေကို ရည်ညွှန်းတာ ဖြစ်ပါတယ်။ စောက်ထိုးပြုခြင်း (Upside Down) ကို တရုတ်စကားလုံး dao 倒 (တောက်) ဖြင့် ရေးပါတယ်။ အဲဒီတော့ fu dao 福倒 ဆိုတာဟာ Luck turning upside down (စောက်ထိုး ကံကောင်းခြင်း) လို့ ထင်ရပေမယ့် တရုတ်တွေက အဲလို မယူဆပါဘူး။ dao 倒 ဆိုတဲ့ စကားလုံးဟာ dao 到 ရောက်ရှိခြင်း (arrive) ဆိုတဲ့ စကားလုံးနဲ့ အသံထွက် တူပါတယ်။ ဒါကြောင့် အဲဒီ `ဖူ´ ဆိုတဲ့ စကားလုံးကို စောက်ထိုးပြုခြင်း fu dao 福倒 (ဖူတောက်) ဟာ... fu dao 福到ကံကောင်းခြင်းများ ရောက်ရှိလာခြင်း (Luck arrives or comes) ဆိုတဲ့ အဓိပ္ပာယ်ကို သက်ရောက် စေပါသတဲ့။ ဒါကြောင့် အိမ်ခန်း၊ ဆိုင်ခန်းတွေရဲ့ အ၀င်ဝတွေမှာ ချိတ်ဆွဲကြတာပါ။

ဆရာမင်းသိင်္ခရဲ့ ယတြာတွေဖြစ်တဲ့ ကောက်ညှင်းပေါင်းကို ကောင်းခြင်းပေါင်းလို့ ယူဆတာတို့၊ အလုပ်နေရာ မပြောင်းချင်တဲ့သူကို ပြောင်းဖူး၊ ချဉ်ပေါင်၊ ဘူးသီး (ပြောင်းချင်ဘူး) စတာတွေ စိုက်ခိုင်းတာ၊ မင်းဂွတ်သီးကို စားခြင်းဖြင့် `မင်း Good သွားတယ်´ လို့ ယူဆတာတွေ၊ ကြံရည်ဖန်ရည် တိုးအောင် ကြံရည်နဲ့ အဖန်ရည်နဲ့ ရောသောက်ခိုင်းတာ စတာ စတာတွေကို သွားသတိရမိပါတယ်။

တရုတ်လူမျိုးတွေဟာ အသံထွက်ကို အထူးအလေးထားတဲ့ အယူရှိကြပါတယ်။ ဆေးရုံ ဆေးခန်းတွေမှာ အခန်း နံပါတ် ၄ ကို ထားလေ့ မရှိပါဘူး။ တရုတ်အက္ခရာ နံပါတ်လေး sì 四 ဟာ... သေဆုံးခြင်း sǐ 死 နဲ့ အသံထွက် ဆင်တူတဲ့အတွက်ပါ။ ဟောင်ကောင်မှာ ရှိတဲ့ အထပ်မြင့် တိုက်တော်တော်များများမှာ ၄ ဂဏန်းကို ရှောင်ရှားခြင်းအားဖြင့် ၄၊ ၁၄၊ ၂၄၊ ၃၄၊ ၄၀ မှ ၄၉ အထိ စတဲ့ နံပါတ် ရှိတဲ့ အလွှာတွေ မရှိပါဘူး။ ဒါကြောင့် အထပ်၊ အလွှာ ၅၀လို့ တပ်ထားတဲ့ အဆောက်အဦးတစ်ခုဟာ လက်တွေ့မှာ ၃၆ လွှာပဲ ရှိမှာ ဖြစ်ပါတယ်။

နံပါတ် ၁၄ ကို တရုတ်တွေ အင်မတန် ရှောင်ရှားပါတယ်။ အနောက်တိုင်းက ၁၃ ဂဏန်းကို Unlucky Number အဖြစ် သတ်မှတ်သလိုပါပဲ။ နံပါတ် ၁၄ 十四 "shí sì ဟာ အသံထွက်အားဖြင့် 十死 (ten die) နဲ့ သွားဆင်ပါတယ်။ ဒါ့အပြင် ဆယ့်လေးကို တစ်လုံးစီ ခွဲခြား ဖတ်ရင် တစ်၊ လေး 一四 yī sì ဆိုတာဟာ မူလ ဝေါဟာရ 么四 yāo sì အဖြစ် ယူဆလို့ ရပါသတဲ့။ အဲဒီ yāo sì ဆိုတဲ့ အသံထွက်ဟာ သေချင်တယ် (want to die) 要死 yào sǐ ဆိုတာနဲ့ ဆင်တူပါသတဲ့။ အဲဒီလောက်ထိ အသံထွက်အပေါ် အယူကြီးမားတဲ့ တရုတ် လူမျိုးတွေပါ။



အထက်က ရှေးဟောင်း လည်ဆွဲလေး ကို ကြည့်ပါ။ အဲဒီမှာ သမင်ပုံလေးကို တွေ့ပါလိမ့်မယ်။ အဲဒီ သမင်ကို တရုတ်လို 鹿 Lu (လု) လို့ အသံထွက်ပြီး အဲဒါဟာ government official 禄 (လု) ဆိုတာနဲ့ အသံထွက် တူတူပါပဲ။ ဒါကြောင့် အဲဒီ လည်ဆွဲကို ဆွဲခြင်းဟာ အစိုးရရုံးဌာနမှာ ရာထူးကြီးကြီး ရစေတဲ့ နိမိတ်ကို ဆောင်ပါသတဲ့။ အဲဒီ သမင်ရဲ့ဂျို အရှေ့နားက သစ်ပင်မှာ ရှိနေတာက လင်းဆွဲတစ်ကောင်ပါ။ စောက်ထိုးဆွဲတဲ့ လင်းဆွဲကို တရုတ်ဝေါဟာရ (fu dao 蝠倒) ဖြင့် ရေးပါတယ်။ ဒါဟာ တရုတ်တွေ တံခါးဝမှာ ချိတ်ဆွဲလေ့ ရှိတဲ့ ကောင်းသောကံများ ရောက်လာခြင်း (fu dao 福到) နဲ့ အသံထွက် တူပါတယ်။ ဒါကြောင့် ဒီလည်ဆွဲဟာ ကံကောင်းခြင်းတွေကိုလည်း ဆောင်ယူပေးပါသတဲ့။

အဲဒီ စက်ဝိုင်းရဲ့ ဘယ်ဘက် သစ်ပင်ရဲ့ အလယ်လောက်မှာ ဂဏန်းတစ်ကောင်ကို တွေ့ပါလိမ့်မယ်။ တရုတ် စကာလုံး crab (蟹) နဲ့ သမမျှတခြင်း harmony (协) နှစ်ခုစလုံးဟာ xie လို့ အသံထွက်ပါတယ်။ ဒါကြောင့် ညီညွှတ်မျှတခြင်းဆိုတဲ့ နိမိတ်ကိုလည်း ဆောင်ပါသတဲ့။ သစ်ပင်ရဲ့ အောက်ခြေနားမှာ ပေါက်နေတာက လင်ဇီးမှို lingzhi (灵 芝) ဖြစ်ပါတယ်။ အဲဒါကို တရုတ်တွေက မသေခြင်း မှိုပင် (fungus of immortality) လို့ တင်စားကြပါတယ်။ ဒါကြောင့် ဒီလည်ဆွဲကို ဆွဲခြင်းဟာ Symbol of Longevity အသက်ရှည်ခြင်းရဲ့ သင်္ကေတလည်း ဖြစ်ပါသတဲ့။ ဒီလောက်ဆိုရင်ပဲ တရုတ်တွေရဲ့ အက္ခရာနဲ့ အသံထွက်အပေါ် အစွဲအလန်း ကြီးမှုကို ရိပ်စားမိလောက်မယ် ထင်ပါတယ်။

အဆင်ပြေမည်ဟု မျှော်လင့် ယုံကြည်လျက်
အုပ်စိုး