Sunday, September 12, 2010

ဖဲဗေဒင် အကြောင်း သိကောင်းစရာ (၄)

(Source: http://fortunetelling.mylastdesire.com/)

ဖဲဗေဒင်နဲ့ ပတ်သက်ပြီး ရေးခဲ့တာ အပိုင်း ၃ပိုင်းအထိ ရှိသွားပါပြီ။ အဲဒီနောက် အကြောင်းအမျိုးမျိုးကြောင့် ဆက်လက်မရေးဖြစ်ခဲ့တာပါ။ စောင့်စားပြီး ဖတ်ရှုနေတဲ့လူတွေကိုတော့ အရင်ဆုံးတောင်းပန်စကား ဆိုချင်ပါတယ်။ ဒီပို့စ်ကို မဆက်ခင်မှာ အရင်က ပို့စ်၃ ခုကို မဖတ်ရသေးသူတွေအတွက် ပြန်လည် လက်တို့ချင်ပါတယ်။ ဒီလင့်ခ်တွေမှာပါ။


ဒီအပိုင်းကတော့ ဖဲဗေဒင်နဲ့ ပတ်သက်တဲ့ နောက်ဆုံးအပိုင်း ဖြစ်ပါတယ်။ အရင်ပို့စ်တွေမှာ ဖဲဗေဒင်နဲ့ ပတ်သက်တဲ့ အဆင့် ၃ ဆင့်ကို ပြောပြခဲ့ပါတယ်။ ကဗျာလေးကိုလည်း ညွှန်းခဲ့ပါသေးတယ်။ ဒီတစ်ခါတော့ လက်တွေ့ တွက်ချက်တာကို နမူနာအနေနဲ့ သုံးချပ်တွဲ ဥပမာတွေနဲ့ ရှင်းလင်းပြီး ပြောပြပါမယ်။ သုံးချပ်တွဲကို နားလည်သွားရင်ဖြင့် ခြောက်ချပ်တွဲ၊ ကိုးချပ်တွဲ စသည်ဖြင့် တွက်ချက်ရတာ မခဲယဉ်းတော့ပါဘူး။

လက်တွေ့ တွက်ချက်ပုံကို မသွားခင်မှာ ဖဲဗေဒင်ဟောမယ့်သူအတွက် လိုအပ်တဲ့ အရာလေးတွေကို ပြောပြချင်ပါတယ်။ ဖဲချပ်နဲ့ ဗေဒင်တွက်ချက်တာဟာ တားရော့၊ လီနော်မန် စတဲ့ ကံကြမ္မာဖတ်တာတွေနဲ့ အတူတူပါပဲ။ ဖဲဗေဒင်ရဲ့ အားသာချက်ကတော့ နီးစပ်ရာ စတိုးဆိုင်တစ်ခုမှာ အလွယ်ဝယ်လို့ ရနိုင်တာပါပဲ။ ဒီနေရာမှာ သတိထားရမှာက အလွယ်တကူဝယ်လို့ ရပေမယ့် ဖဲထုပ်ကို အလွယ်တကူ မထားရှိဖို့ ဆိုတာပါပဲ။ ဖဲချပ်နဲ့ ဗေဒင်ဟောတာကို လူအတော်များများ လုပ်တတ်ကြပါတယ်။ ဒါပေမယ့် လူတိုင်း မှန်ကန်အောင် မဟောနိုင်ပါဘူး။ ဘာကြောင့်လဲဆိုတော့ သူတို့တွေဟာ နည်းစနစ်ကိုပဲ သိပြီး နည်းလမ်းကို ကိုယ်တိုင် မကျင့်သုံးကြလို့ပါ။

ဖဲဗေဒင်ကို ဟောမယ့်သူဟာ အောက်ပါစည်းကမ်းတွေကို လိုက်နာရပါမယ်။

၁) တွေ့ကရာ ဖဲထုပ်နဲ့ ဟောလို့ မရပါဘူး။ ဟောဖို့အတွက် ဖဲထုပ်ကို သီးသန့်ဝယ်ထားရမှာ ဖြစ်ပါတယ်။
၂) ဖဲထုပ်ကို အမြဲတမ်း ကိုယ်နဲ့ မကွာ ဆောင်ထားရမှာ ဖြစ်ပါတယ်။
၃) ဖဲထုပ်ကို လူများတကာအား လိုအပ်မှသာ ကိုယ်တွယ်ခွင့်ပေးရမှာဖြစ်ပါတယ်။
၎) ဗေဒင်ဟောဖို့အတွက် ထားတဲ့ ဖဲထုပ်ကို အပျော် ဖဲကစားခြင်း စတာတွေ မပြုလုပ်ရပါဘူး။

လေးလေးနက်နက် မလုပ်တဲ့ အရာတွေဟာ ဘယ်တော့မှ လေးနက်တဲ့ တုန့်ပြန်မှုကို ရမှာမဟုတ်ပါဘူး။ ဒါကြောင့် လေးနက် ယုံကြည်စွာဖြင့် လေ့လာ၊ ဟောကြား၊ ကျင့်သုံးကြပါလို့ အကြံပြုချင်ပါတယ်။ တချို့ ရှေးဟောင်းပစ္စည်း ဆိုင်တွေမှာ အတော်လေး လှပခမ်းနားတဲ့ ရွှေအိုရောင် ဖဲထုပ် စတာမျိုးတွေ တွေ့ဖူးမှာပါ။ အဲဒါမျိုးတွေကို အသုံးပြုမယ်ဆိုရင် သင့်ဖဲထုပ်က အပျော်ဆော့တဲ့ ဖဲထုပ်မျိုးပုံ မဖြစ်တော့ပါဘူး။ ဒီလောက်ဆိုရင်ဖြင့် လက်တွေ့ဟောတဲ့ နမူနာတွေဆီ သွားလို့ ရပါပြီ။

ပထမဆုံး ဖဲထုပ်ကို ဗေဒင်ဆရာကပဲ ကုလားဖန်ထိုးရပါမယ်။ ဗေဒင်မေးတဲ့သူကို လိုအပ်မှသာ ကိုင်တွယ်ခွင့် ပေးသင့်ပါတယ်။ ပြီးတဲ့အခါ မေးမြန်းတဲ့လူကို မေးခွန်းကို အာရုံပြုခိုင်းပြီး ဖဲထုပ်ကို ချိုးခိုင်းရပါမယ်။ ဒီနေရာမှာ စာမရေးတဲ့လက်ကို အသုံးပြုပြီး ချိုးခိုင်းရပါမယ်။ စာမရေးတဲ့လက်ကို အသုံးပြုခိုင်းရခြင်းကတော့ ဒီလက်ဟာ မသိစိတ်နယ်ပယ်နဲ့ ပတ်သက်နေလို့ပါ။ စာရေးတဲ့လက်က နေ့စဉ်အသုံးပြုနေတဲ့ သိစိတ်နဲ့ ပတ်သက်နေလို့ပါ။ ချိုးပြီးပြီဆိုရင် ဖဲချပ် ၃ ချပ်ကို ဘယ်ကနေ ညာဘက်ကို တစ်ချပ်ခြင်းစီ လှန်ပြီး ချလိုက်ရပါမယ်။

ဒီနေရာမှာ ကတ်ပြားသုံးချပ်ကို ဘယ်မှညာ အဓိပ္ပာယ်ကောက်ယူတဲ့အခါ ပထမဆုံးကတ်ရဲ့ အပွင့်က သင် ဘယ်ကိုရောက်နေခဲ့လဲ ဆိုတာကို ပြဆိုပြီး... ဒုတိယကတ်ကတော့ သင်ယခု ရှိနေတဲ့ နေရာကို ပြဆိုတာပါ။ တတိယကတ်ရဲ့ အပွင့်ပုံစံကတော့ ရှေ့က ကတ် နှစ်ခုရဲ့ အကျိုးဆက်ကြောင့် သင် ဘယ်ကို ရောက်မယ်ဆိုတာကို ပြဆိုတာပါ။ ဒါ့အပြင် တတိယကတ်ဟာ အရေးအပါဆုံးဖြစ်တာကြောင့် အလေးအနက်ထားပြီး လေ့လာသင့်ပါတယ်။

(Source: http://www.rajunasrefuge.com/spread1.jpg)

နမူနာတွေကို လေ့လာကြည့်ရအောင်...

+++++++++++++++++++++++++++++++++++++++

ဥပမာ (၁)

K 3 6

ပထမဆင့် ဥပဒေသနဲ့ ကြည့်မယ်ဆိုရင် နက်နီနီ ဖြစ်ပါတယ်။ ဒါကြောင့် ပြဿနာတွေကို ဖြေရှင်းနိုင်မှာ ဖြစ်ပြီး အခြေအနေတွေ တဖြည်းဖြည်း တိုးတက်လာမယ်လို့ ကောက်ချက်ချရပါမယ်။

ဒုတိယအဆင့် ဥပဒေသနဲ့ တိုက်ကြည့်မယ်ဆိုရင် ညှင်း၊ ဒိုင်းမွန်း၊ အသဲ ပုံဖြစ်တာကြောင့် အလုပ်အကိုင်ဖြင့် ငွေကြေးအောင်မြင်ခြင်း လို့ ယူဆရပါမယ်။ နောက်ဆုံးကတ်က အသဲပုံဖြစ်တဲ့အတွက် အောင်မြင်မှုဟာ အလွယ်တကူ ရောက်ရှိလာမှာ ဖြစ်ပါတယ်။

တတိယအဆင့် ဥပဒေနဲ့ စစ်ဆေးကြည့်မယ်ဆိုရင်...
K (ယောက်ျား၊ ခွန်အားကြီးခြင်း) + (အလုပ်အကိုင်၊ အကြံအစသည်)
ဆံပင်အနက်ရောင် လက်တွေ့ဆန်တဲ့ ယောက်ျားတစ်ယောက်၊ အလုပ်မှ ယောက်ျားမိတ်ဆွေ၊ အလုပ်မှ တာဝန်ရှိသူ ယောက်ျား၊ သေချာစနစ်တကျ စီစဉ်ထားသဖြင့် အောင်မြင်ရန် သေချာသော အကြံအစီ၊ အလုပ်ကုမ္ပဏီမှ မျှတသော ဆက်ဆံမှု ရခြင်း။

3 (တိုးတက်ခြင်း) + (ငွေကြေး၊ ချမ်းသာမှု၊ ပွားစီးမှု)
လစာတိုးရခြင်း၊ ငွေကြေးပွားစီးလာခြင်း၊ အမြတ်ရခြင်း။

6 (လမ်းကြောင်း) + (ချစ်ခြင်း၊ မိသာစု၊ မိတ်ဆွေ)
သာယာသော လမ်းကြောင်း၊ မိသားစု မိတ်ဆွေများနှင့် ခရီးထွက်ခြင်း၊ မိတ်ဆွေ သူငယ်ချင်းများနှင့် အခမ်းအနားလုပ်ခြင်း၊ ယေဘုယျ တိုးတက်မှုရှိခြင်း။

ဒီလောက်ဆိုရင် အဓိပ္ပာယ်ဖွင့်ဆိုဖို့ အချက်အလက်များ လုံလောက်ပြည့်စုံနေပါပြီ။ ကျလာတဲ့ ဖဲချပ်သုံးချပ်က ဘာကို ဆိုလိုသလဲဆိုရင် ဗေဒင်မေးသူရဲ့ သူဌေး (Boss) က သူ့ကို လစာတိုးပေးကောင်း တိုးပေးမယ်၊ ဘာကြောင့်လဲ ဆိုရင်ဖြင့် သိပ်မကြာသေးခင်က ကုမ္ပဏီရဲ့ အမြတ်ငွေ တိုးလာလို့ ဖြစ်တယ်။ ဒီလို တိုးမြှင့်တာဟာ မထင်မှတ်ဘဲ ဖြစ်လာမှ ဖြစ်တယ်။ (အသဲပုံဟာ နောက်ဆုံးကတ်ဖြစ်တာကြောင့် လွယ်လင့်တကူ ဖြစ်လာတာကိုလည်း ဆိုလိုတယ်) ဒါပေမယ့် အဲလို ဖြစ်လာတဲ့ တိုးတက်မှုတွေဟာ ဗေဒင်မေးသူအတွက် နှစ်လိုစရာကောင်းမှာဖြစ်တယ်။ အဲဒီကနေ အခမ်းအနား၊ ပွဲတစ်ခုခု (ညစာစားခြင်း၊ ဒါမှမဟုတ် ခရီးထွက်ခြင်း) စတာတွေကို ဖြစ်စေမယ်။ ဒါမှမဟုတ်ရင်လည်း မိသားစု ပျော်ပွဲစား ထွက်တာမျိုးလည်း ဖြစ်ကောင်းဖြစ်မယ်။

+++++++++++++++++++++++++++++++++++++++

ဥပမာ (၂)

2 8 7

ပထမအဆင့် ဥပဒေသနဲ့ ကြည့်မယ်ဆိုရင် နက်နက်နီ ဖြစ်တာကြောင့် လှိုင်ခေါင်းရှည်ရဲ့ အဆုံးမှာ မျှော်လင့်ချက် အလင်းရောင်လေး တွေ့ရသလိုမျိုး ယူဆရပါမယ်။

ဒုတိယအဆင့် ဥပဒေသနဲ့ ကြည့်မယ်ဆိုရင် စပိတ်၊ ညှင်း၊ အသဲ ဖြစ်တာကြောင့် လုပ်ငန်းကိစ္စတွေ၊ ဒါမှမဟုတ် ကိုယ်ပိုင်လုပ်ငန်းတွေမှာ ပြဿနာဖြေရှင်းရခြင်းကို ပြဆိုတာပါ။ အသဲပုံက နောက်ဆုံးမှာ ဖြစ်တာကြောင့် ပြဿနာတွေဟာ ဗေဒင်မေသူအတွက် သိပ်အားထုတ်ရခြင်း မရှိဘဲ ပြေလည်သွားမှာကို ပြဆိုနေပါတယ်။

တတိယအဆင့် ဥပဒေသနဲ့ ကြည့်မယ်ဆိုရင်...

2 (ဖလှယ်မှု) + (ပြဿနာ)
အငြင်းအခုန်၊ ကွဲလွဲခြင်း၊ ဆက်ဆံမှု မပြေလည်ခြင်း

8 (အတွေးအခေါ်၊ စိတ်ကူးစိတ်သန်း) + (အလုပ်အကိုင်၊ အကြံအစည်)
အလုပ်အကြောင်း စဉ်းစားခြင်း၊ အလုပ်ပြောင်းရန် စဉ်းစားခြင်း၊ လက်တွေ့ကျသော စီမံကိန်းများ

7 (ပြဿနာ) + (ချစ်ခြင်း၊ မိတ်ဆွေ၊ မိသားစု)
ချစ်ခြင်းပြဿနာ၊ မတည်ငြိမ်သော စိတ်ခံစားမှု၊ ပြဿနာများ တဖြည်းဖြည်း လွင့်ပြယ်သွားခြင်း

အဆင့်သုံးဆင့်လုံးနဲ့ သုံးသပ်ပြီးလို့ အဓိပ္ပာယ် ဖွင့်ဆိုချက်တွေ မသွားခင် သတိပြုရမယ့် ကတ်ကို ကြည့်ပါဦးမယ်။ အဲဒါက 7 ကတ်ပြားပါ။ နံပါတ် ၇ (ပြဿနာဖြစ်ခြင်း) လို ဆိုးတဲ့အဓိပ္ပာယ်ရှိတဲ့ နံပါတ်နဲ့ အသဲပုံလို ကောင်းတဲ့ သင်္ကေတ ကျတဲ့အခါ ဘယ်လို ကောက်ရမလဲ။ အထက်မှာ ကောက်ယူပြခဲ့တာကို တွေ့ပါလိမ့်မယ်။ ချစ်ခြင်းပြဿနာနဲ့ ပြဿနာများ တဖြည်းဖြည်း လွင့်ပြယ်သွားခြင်း ဆိုပြီး ရှုထောင့် ၂ မျိုးလုံးကနေ ကောက်ယူလို့ ရပါတယ်။ ဒီတော့ ဘယ်ဟာကို အမှန်လို့ ယူဆမှာလဲ။ နှစ်မျိုးစလုံးက ဖြစ်နိုင်ချေ ရှိတာတွေကို ပြဆိုတာပါပဲ။
ဒီနေရာမှာ ပထမနဲ့ ဒုတိယ အဆဆင့် ဥပဒေသတွေက အသုံးဝင်လာပါပြီ။ နက်နက်နီ ဖြစ်လေတာရယ်၊ အသဲပုံနဲ့ အဆုံးသတ်တာတွေကြောင့် 7 ဟာ အနည်းဆုံးတော့ တိုးတက်ဖြစ်တည်လာမှု တစ်ခုခုနဲ့ ပတ်သက်နေရတော့ပါမယ်။ ဒါကြောင့် ပထမဆုံး စပိတ်ကတ်က ပြဆိုတဲ့ ပြဿနာတွေဟာ ဗေဒင်မေးသူအဖို့ သိပ်အားစိုက်မထုတ်ရဘဲ ပြေလည်သွားမှာ ဖြစ်ပါတယ်လို့ ကောက်ယူရမှာပါ။

သုံးချပ်လုံးကို ပေါင်းပြီး အဓိပ္ပာယ်ဖွင့်ဆိုမယ် ဆိုရင်ဖြင့် ဗေဒင်မေးသူဟာ လုပ်ငန်းကိစ္စတွေမှာ ပြဿနာ ဖြစ်နေတာ သေချာပါတယ်။ အဲဒီ အခြေအနေက သူ့ရဲ့ စိတ်ကိုစိုးမိုးနေပြီး စိတ်ခံစားမှုတွေကို အနှောက်အယှက် ပြုနေပါတယ်။ ပြီးတော့ အခြေအနေက အတော်လေး ဆိုးလေတော့ ဗေဒင်မေးသူခမျာ တခြားအလုပ်အကိုင်တစ်ခုကို ပြောင်းရှာဖို့ စဉ်းစားနေတယ်လို့ ကောက်ချက်ချရပါမယ်။ ဒါပေမယ့် အလုပ်သစ်ရှာတာကို မလုပ်သင့်ပါဘူး။ ဘာကြောင့်လဲဆိုတော့ လှိုင်ဂူရဲ့ အဆုံးမှာ အလင်းရောင်တန်းလေး မြင်တွေ့ရတာကြောင့် ပြဿနာတွေဟာ ဗေဒင်မေးသူဘက်ကနေ သိပ်မဖြေရှင်းရဘဲ ပြေလည်သွားမှာ ဖြစ်လို့ပါပဲ။ ကောက်ချက်ချနိုင်တာ တစ်ခုက ဗေဒင်မေးသူကို ပြဿနာဖြစ်စေတဲ့လူက လာရောက်တောင်းပန်တာမျိုးလည်း ဖြစ်နိုင်တယ် ဆိုတာပါပဲ။

+++++++++++++++++++++++++++++++++++++++

ဥပမာ (၃)

A 8 6

ပထမအဆင့် ဥပဒေသနဲ့ ချိန်ကိုက်ကြည့်မယ်ဆိုရင် နီနီနက် ဖြစ်တာကြောင့် အနာဂတ်မှာ ပြဿနာ ဖြစ်လာနိုင်စရာ ရှိပါတယ်။

ဒုတိယအဆင့် ဥပဒေသနဲ့ တိုက်ဆိုင် ကြည့်မယ်ဆိုရင် အသဲ၊ ဒိုင်းမွန်း၊ စပိတ် ဖြစ်တာကြောင့် နောက်ဆုံးမှာ ပြဿနာနဲ့ ကြုံတွေ့ရမှာကို ပြဆိုပါတယ်။ ဘယ်လို ပြဿနာလဲ ဆိုတော့ ဒိုင်းမွန်းကတ်က သူ့ရှေ့မှာ ရှိလေတာကြောင့် ငွေကြေးနဲ့ ပတ်သက်တဲ့ သဘောကို ပြဆိုပါတယ်။ အသဲပုံက ရှေ့ဆုံးကနေ လာလေတာကြောင့် လောလောဆယ် အစပိုင်းမှာတော့ ပျော်ရွှင်တဲ့နေရာမှာ ရောက်နေတာကို ပြဆိုပါတယ်။ ဒီတော့ ဒုတိယအဆင့်အတွက် ဖြစ်နိုငခြေရှိတဲ့ ကောက်ချက်ကို ချရမယ်ဆိုရင် ငွေကြေးနဲ့ ပတ်သက်တဲ့ ကိစ္စတွေမှာ ပါဝင်ပတ်သက်ရပါမယ်။

အရင်ရေးခဲ့တဲ့ သိကောင်းစရာ (၂) ထဲမှာ ပြောပြခဲ့ဖူးတဲ့ ဥပမာ ဖြစ်တဲ့... (ငွေကြေးပြဿနာ အလွယ်တကူ ပြေလည်ခြင်း) ဆိုတာကို ခု သုံးချပ်တွဲ ♥ ♦ နှိုင်းယှဉ်ကြည့်ရင် ကွဲပြားမှုကို တွေ့မြင်ရမှာပါ။ နောက်ထပ် သိသင့်တာ တစ်ခုက ညှင်းသင်္ကေတ မပါဝင်တာပါပဲ။ ဒါကြောင့် ဗေဒင်မေးသူဟာ ပြဿနာတွေ ပြေလည်ဖို့အတွက် လောလောဆယ်မှာ ဘာမှ စီမံ၊ ပြင်ဆင်ထားခြင်း မရှိဘူး ဆိုတာကို သိနိုင်ပါတယ်။

Ace (အစပျိုးခြင်း) + (ချစ်ခြင်း၊ မိတ်ဆွေ၊ မိသားစု)
အချစ်ရေး အစပျိုးခြင်း၊ မိတ်ဆွေသစ် ရခြင်း၊ ကလေးမွေးဖွားခြင်း (ရှေးထုံးအဟောကတော့ မိသားစု၊ မိသားစုဝင်တွေနဲ့ ပတ်သက်ခြင်း)

8 (အကြံစည်၊ စိတ်ကူး) + (ငွေကြေး၊ စည်းစိမ်)
ငွေကြေးအကြောင်း စဉ်းစားခြင်း၊ ငွေကြေးနှင့် ပတ်သက်သော စီမံကိန်း၊ ဝင်ငွေထွက်ငွေ မျှတရန် စီစဉ်ခြင်း၊ အချိန်ကို တန်ဖိုးထားခြင်း (အဘယ်ကြောင့်ဆိုသော် Time is Money ဖြစ်သောကြောင့်)

6 (လမ်းကြောင်း) + (ပြဿနာ)
လမ်းမှားကို ဦးတည်နေခြင်း၊ ရွေးခြယ်မှုမှားခြင်း၊ မှားနေသူများနဲ့ လိုက်ပါသွားမိခြင်း၊ ခရီးသွားရင်း အခက်အခဲတွေ့ခြင်း၊ မသွားသင့်သော ခရီးလမ်း၊ ဖွတ်မရ ဓါးမဆုံး ခရီးမျိုး သွားရခြင်း၊ စွန့်ပစ်ခံရခြင်း၊ ရှောင်ခွာခြင်း

ဒီသုံးချပ်တွဲကိုတော့ ခပ်မြန်မြန်ပဲ ကောက်ချက်ပြုနိုင်တာက ဗေဒင်မေးသူ အဖို့ မိသားစု၊ အိမ်ကိစ္စ စတာတွေနဲ့ ပတ်သက်ပြီး အခြေအနေသစ်တွေ ရောက်လာမှာကို ပြဆိုတာပါ။ အိမ်သစ်ပြောင်းရခြင်း၊ လက်ရှိအိမ်ကို တိုးချဲ့ရခြင်းမျိုးလည်း ဖြစ်နိုင်ပါတယ်။ ဒါမှမဟုတ် ကလေးတစ်ယောက် ထပ်မွေးဖွားခြင်းလည်း ဖြစ်နိုင်ပါတယ်။

အခြားတစ်ဘက်မှာ ငွေကြေးကိစ္စနဲ့ ပတ်သက်ပြီး သိပ်အကောင်းကြီး မမြင်ပါဘူး။ ဗေဒင်မေးသူ (သို့) သူရဲ့ မိသားစုဝင်တွေက သူမရဲ့ အကြံအစည်တွေ အကောင်အထည်ဖော်ဖို့ ငွေကြေးကို စည်းကမ်းရှိရှိ ချွေတာပြီး စီစဉ်သုံးစွဲသင့်တာကိုလည်း ပြဆိုပါတယ်။ ပန်းတိုင်ကိုရောက်ဖို့ ငွေကြေးနဲ့ ပတ်သက်ပြီး ရေရှည်အတွက်ကိုပါ စီမံရမယ်ဆိုတာကို ပြဆိုနေပါတယ်။

တစ်ခါတရံမှာ မတူကွဲပြားတဲ့ ကောက်ယူပုံတွေကိုလည်း ထုတ်ရပါတယ်။ ဒီဖြန့်ခင်းမှုက သုံးချပ်တွဲလုံးကို လေ့လာကြည့်ရင် အထက်ကနဲ့ မတူတာမျိုးတွေကို ကောက်ချက်ပြုနိုင်ပါတယ်။ နမူနာတွေကို ကြည့်မယ်ဆိုရင်...

  • မိသားစုဝင်၊ ဒါမှမဟုတ် အတော်ရင်းနှီးတဲ့ မိတ်ဆွေတစ်ယောက် (A)ဟာ ငွေကြေးအခက်အခဲ ရင်ဆိုင်နေရပြီး ချွေတာသုံးစွဲရမှာကိုလည်း ပြဆိုပါတယ်။ 6 (လမ်းမှားရောက်နေခြင်း) ပြဿနာကို ကြွေးယူပြီး လွဲမှားစွာ ဖြေရှင်းနေခြင်းမျိုးကိုလည်း ပြဆိုပါတယ်။
  • အိမ်ပြင်ဆင်ဖို့ ကိစ္စမှာ ငွေကြေးနှောင့်နှေးနေခြင်း
  • အိမ်သာ၊ ရေချိုးခန်း စသည် ပြင်ဆင်ရခြင်း။ ဘာလို့ ဒီလို ကောက်ယူသလဲ ဆိုရင်ဖြင့် နံပါတ် ၆ဟာ လမ်းကြောင်းနဲ့ သက်ဆိုင်တဲ့အတွက် 6 ကတ်က အိမ်မှာရှိတဲ့ ရေပိုက်တွေ ဘာတွေနဲ့ သက်ဆိုင်တာမျိုး ကြောင့်ပါ။
  • တကယ်လို့ ဗေဒင်မေးတဲ့သူဟာ အသက်ငယ်ရွယ်ပြီး အိမ်ထောင်မကျသေးတဲ့ အမျိုးသားဆိုရင် သူ့ဆီကို အစပျိုးရောက်လာတဲ့ ချစ်ခြင်းကိစ္စတွေကို လစ်လျူရှုပြီး ငွေကြေး ရှာဖွေမှုကိုသာ ပိုအာရုံစိုက်နေတာကို ပြဆိုပါတယ်။

+++++++++++++++++++++++++++++++++++++++

အောက်မှာ နောက်ထပ် သုံးချပ်တွဲ နမူနာတွေကို လေ့လာကြည့်ပါဦးမယ်။ နမူနာတွေကို အသေးစိတ် မပြောပြတော့ဘဲ ခြုံငုံပြီးတော့သာ အဓိပ္ပာယ် ဖွင့်ဆိုပြထားပါတယ်။ ရှေ့မှာ ပြောပြခဲ့ပြီးဖြစ်တဲ့ ဥပဒေသတွေနဲ့ အဆင့်သုံးဆင့်ကို တစ်ဆင့်ခြင်း လေ့လာ ကောက်ယူသွားရင် ခြုံငုံယူထားတဲ့ အဓိပ္ပာယ်တွေကို နားလည်သဘောပေါက်မှာ ဖြစ်ပါတယ်။ မခဲယဉ်းပါဘူး။ လေ့လာကြည့်ရအောင်။

6 Q 5:
ကွာရှင်းပြတ်စဲထားသော အမျိုးသမီးဟာ ငွေကြေးနဲ့ ပတ်သက်တဲ့ တိုးတက်မှုတွေပေါ်မှာပဲ အဓိက အာရုံစိုက်နေပါတယ်။ ဒါပေမယ့် သူမဟာ ပင်ပန်းနုံးချိမှုတွေ ခံစားနေရပြီး စိတ်ပြေလက်ပျောက် ခရီးထွက်ဖို့ လိုအပ်နေပါတယ်။ သူမဟာ သူမရဲ့ ရုပ်ခန္ဓာကို ကိုယ့်ဘာသာ အပူတွေ အလွန်အမင်း လောင်နေစေပါတယ်။

2 7 A:
အပေါင်းအဖော်ထားခြင်းက စိတ်ပူရခြင်းရဲ့ အရင်းခံ အကြောင်းဖြစ်ပြီး နှစ်ဦးနှစ်ဘက် တူညီတဲ့ ရည်မှန်းချက် ပန်းတိုင် ထားရှိမှသာ အခြေအနေသစ်တွေ အစပျိုးလာမှာ ဖြစ်ပါတယ်။

3 2 9:
ငွေကြေး၊ စည်းစိမ်တိုးတက်လာခြင်းက သင့်ဘဝအတွက် သင်တကယ်လိုအပ်နေတဲ့ အရာကနေ ဝေးကွာသွားအောင် ဖန်တီးပါလိမ့်မယ်။ ဒါကြောင့် အဓိကနဲ့ သာမညခွဲမြင်တတ်ဖို့ လိုပါတယ်။

7 Kn 7:
ဗေဒင်မေးသူရဲ့ ညစ်နေတဲ့ စိတ်အစဉ်ဟာ သူမြတ်နီုးချစ်ခင်ရတဲ့ လူဆီက စာတစ်စောင် ရတဲ့အခါမှာ သက်သာငြိမ်းအေးသွားပါလိမ့်မယ်။

K 3 5:
ငွေကြေးချမ်းသာသူဟာ ကျန်းမာခြင်း လာဘ်ဆိုတာကို သူ့ရဲ့ ပိုင်ဆိုင်မှုတွေထက် ပိုပြီး တန်ဖိုးထားဖို့ လိုအပ်ပါတယ်။

8 5 4:
ဗေဒင်မေးသူရဲ့ ဖြတ်လတ်တဲ့ စိတ်တွေဟာ အကောင်းထက် အဆိုးဘက်ကိုပဲ အာရုံစိုက်နေတာကို ပြဆိုပါတယ်။ ကိုယ်လက်လှုပ်ရှား လေ့ကျင့်ခန်းတွေဟာ သူ့ရဲ့ စိတ်တွေ ပုံမှန် ပြန်ဖြစ်နိုင်ဖို့ အကူညီပေးပါလိမ့်မယ်။

8 A A:
ဗေဒင်မေးသူဟာ အလုပ်မှာ ရာထူးနဲ့ လစာတိုးဖို့ ရှိပါမယ်။ တာဝန်အသစ်တွေက ငွေကြေးအသစ်တွေကို ဆောင်ယူလာပါလိမ့်မယ်။

5 9 8:
ဗေဒင်မေးသူမှာ ငွေဖြုန်းတီးဖို့ရှိပါမယ်။ အဝတ်အစား၊ အိမ်ထောင် ပရိဘောဂ စတာတွေအတွက် ဈေးဝယ်ထွက်ရတာမျိုး ဖြစ်နိုင်ပါတယ်။ ဗေဒင်မေးသူဟာ အလှဆင်ဖို့အတွက် ပိုက်ဆံကုန်မှာကိုလည်း မနှမြောပါဘူး။

9 10 4:
ဗေဒင်မေးသူ ဖြစ်ချင်နေတဲ့ ငွေကြေးလွတ်မြောက်မှုမျိုးရမှာဖြစ်ပြီး ဘဏ်ငွေစာရင်းလည်း ပြည့်စုံ ဖြစ်တည်လာမှာဖြစ်တယ်။

10 7 K:
ဗေဒင်မေးသူအတွက် မိသားစုဘဝဟာ ကျေနပ်သာယာမှု အတိပါပဲ။ သူဟာ စိတ်လုံခြုံ ပျော်ရွှင်မှုရှိသူလည်း ဖြစ်ပြီး၊ တခြား ဖြစ်ပေါ်လာတဲ့ ပြဿနာတွေကလည်း အလိုလို အေးဆေးစွာပဲ ပြေလည်သွားမှာ ဖြစ်ပါတယ်။

J 2 8:
လူငယ်တစ်ယောက်ဟာ ငွေကြေး အထောက်အပံ့လိုနေတာကို ပြဆိုပြီး၊ သူဟာ ငွေးချေးတစ်ခုခု လုပ်ကောင်းလုပ်ပါလိမ့်မယ်။

A 4 3:
ဒီသုံးချပ်တွဲက ဗေဒင်မေးသူရဲ့ မိသားစု၊ အိမ်ထောင်ရေး တန်ဖိုးဟာ အချိန်နဲ့အမျှ လေးနက် တန်ဖိုးရှိလာတာကို ပြဆိုပါတယ်။

+++++++++++++++++++++++++++++++++++++++

ဒီလောက်ဆိုရင်ဖြင့် သုံးချပ်တွဲ ကောက်ယူမှုတွေကို တော်တော်လေး လေ့လာမိသွားပြီလို့ ယူဆပါတယ်။ သုံးချပ်အဟောကို ပိုင်သွားရင်ဖြင့် တခြားသော ဖြန့်ကျက်မှုတွေအတွက် ခက်ခဲမှု ရှိမှာ မဟုတ်တော့ပါဘူး။ ခုတစ်ခါ အတော်လေး ပြည့်စုံတဲ့ (Square of Nine) ကိုးချပ်တွဲ ဟောနည်းတစ်ခုကို လေ့လာကြည့်ပါမယ်။ ဖဲထုပ်ကို ချိုးပြီးတဲ့အခါမှာ ကတ်ပြားကိုးချပ်ကို အောက်ကအတိုင်း ဖြန့်ခင်းလိုက်ရပါမယ်။

1 2 3
4 5 6
7 8 9

ကိုးချပ်ခင်းထားပေမယ့် အဓိပ္ပာယ်ကောက်ယူတဲ့အခါမှာ သုံးချပ်တွဲစီပဲ ကောက်ယူတာ ဖြစ်ပါတယ်။ ဒီတော့ သုံးချပ်တွဲ ပေါင်းစပ်မှုတွေကို ကြည့်ပါမယ်။ အထက်က ဖြန့်ခင်းမှုအတွက်ဆိုရင် သုံးချပ်တွဲ ဖြစ်နိုင်ချေ ၈ ခုရှိပါတယ်။ အဲဒါတွေက...

  • 123, 456, 789 အတန်းလိုက် သုံးချပ်တွဲ သုံးခု
  • 147, 258, 369 တိုင်အလိုက် သုံးချပ်တွဲ သုံးခု
  • 159, 357 ထောင့်ဖြတ် သုံးချပ်တွဲ နှစ်ခု

ဒီလို သုံးချပ်တွဲတွေဟာ အများအားဖြင့် လက်ရှိနဲ့ အနာဂတ် အခြေအနေတွေကို ထင်ဟပ်တာ များပါတယ်။ အတွဲတစ်ခုစီကို လေ့လာရင်းကနေ ကတ်တွေ အားလုံးရဲ့ ချိတ်ဆက်မှုကို တွေ့ကောင်းတွေ့နိုင်ပါမယ်။ တွေ့ချင်မှလည်း တွေ့ပါမယ်။ ဘယ်လိုပဲဖြစ်ဖြစ် သင့်ရဲ့ စိတ်တံခါးကိုတော့ အစွမ်းကုန် ဖွင့်လှစ်ပြီး ကောက်ချက်ချမှုတွေကို ပြုရမှာ ဖြစ်ပါတယ်။

ကတ်အတွဲတွေမှာ အတိတ်က အခြေအနေတွေ ပြန်လည်ထင်ဟပ် လာတာမျိုးက အတော်လေး ရှားပါတယ်။ ဗေဒင်မေးသူက... “ခင်ဗျား ခုနကဟောတာက ဖြစ်ပြီးသလိုလိုပဲ...” စတာမျိုး ပြောလာပြီဆိုရင် အတိတ်နဲ့ ပတ်သက်နေပြီဆိုတာ သိနိုင်ပါမယ်။ အဲဒီအခါမှာ ခိုင်ခိုင်မာမာနဲ့ ဗေဒင်မေးသူကို အကြံပြု ပြောသင့်တာက... “အတိတ်ရဲ့ အကျိုးဆက်တွေက မပြီးသေးဘူး...” ဆိုတာကိုပါပဲ။

ကိုးချပ်တွဲ ဖြန့်ခင်းမှု တစ်ခုကို နမူနာအနေနဲ့ လေ့လာကြည့်ရအောင်ပါ။

+++++++++++++++++++++++++++++++++++++++

ဥပမာ (၄)



10 9 K

Q 9 3

5 J 10


ဖြန့်ကျက်ထားတဲ့ ကိုးချပ်လုံးကို အပေါ်ယံလျှပ်ကြည့်မယ် ဆိုရင်... မိသားစုတွေရဲ့ လုပ်ကိုင်မှုတွေနဲ့ ပတ်သက်တာကို တွေ့ရမှာပါ။ ကျွန်တော်တို့ကို ဗေဒင်လာမေးတဲ့လူဟာ အိမ်ထောင်စု တစ်ခုထဲက မိခင်၊ အမျိုးသမီးကြီး တစ်ယောက်လို့ ယူဆကြရအောင်။ သုံးချပ်တွဲတွေကို သေချာကြည့်ရင် အနီရောင် ကတ်ပြား အရေအတွက်က အနက်ရောင်ကတ်တွေထက် ပိုများတာကို တွေ့ရမှာပါ။ ဒါကြောင့် မေးသူအတွက် ကံကြမ္မာက အတော်လေး ကောင်းမွန်သာယာမယ်လို့ ကောက်ချက် ချနိုင်ပါမယ်။

123: 10 9 K:
အိမ်ထောင်စုရဲ့ အကြီးအကဲဖြစ်တဲ့ ဖခင်ဟာ မိသားစုအတွက် အရေးပါတဲ့ အလေးထားခံရသူဖြစ်ပါတယ်။ သူဟာ သိပ်မကြာခင်မှာ ငွေကြေးနဲ့ ပတ်သက်တဲ့ အောင်မြင်မှု တစ်ခုရနိုင်တယ်၊ သူလိုလားတဲ့ ငွေကိစ္စတွေ အဆင်ပြေပါလိမ့်မယ်။ သူ့ရဲ့ ကမ္ဘာ၊ သူ့ရဲ့ စိတ်ထဲမှာတော့ အားလုံးဟာ အေးဆေးအဆင်ပြေနေပါတယ်။ King of Heart နဲ့ ပတ်သက်တဲ့ နောက်ထပ် ကောက်ချက်ကို ပြုဖို့ 369 သုံးချပ်တွဲကို ကြည့်နိုင်ပါသေးတယ်။

456: Q 9 3:

စပိတ်ကွင်း ဖြစ်တာကြောင့် အိမ်ထောင်စု အကြီးအကဲ မိခင်ကတော့ အနည်းငယ် စိတ်ဓာတ်ကျနေပါတယ်။ အထီးကျန်ဆန်တာလည်း ဖြစ်မယ်။ ငွေကြေးမှာတော့ အပြောင်းအလဲ ရှိပါတယ်။ သူမရဲ့ ဖောင်းပွလာမယ့် ပိုက်ဆံအိတ်က သူမကို အချိန်ကာလတစ်ခုအထိ ပျော်ရွှင်စေမှာပါ။ ဒါပေမယ့် ဘယ်လောက် ကြာကြာအထိလဲ...။ ဒီကိစ္စနဲ့ ပတ်သက်ပြီး သူမဟာ အကြံဉာဏ် ယူသင့်ပါတယ် ဘာကြောင့်ဆိုတော့ အထီးကျန်ဆန်မှုက ပြန်ရောက်လာနိုင်လို့ပါ။ 147 အတွဲကို ကြည့်ရင်လည်း ဒီအမျိုးသမီးနဲ့ ပတ်သက်တာကို တွေ့ရမှာဖြစ်ပါတယ်။

789: 5 J 10:
အိမ်ထောင်စုထဲက လူငယ်ကတော့ သူ့အဖေနဲ့ လုပ်ပုံကိုင်ပုံခြင်း ဆင်တဲ့လူပါ။ သူ့အဖို့ သိပ်မဝေးတဲ့ အနာဂတ်မှာ ကိုယ်ခန္ဓာကျန်းမာရေးနဲ့ ပတ်သက်ပြီး စိတ်ညစ်စရာတွေ တွေ့နိုင်ပါတယ်။ ဒါပေမယ့် သိပ်အကြာကြီး ခံစားရမှာတော့ မဟုတ်ပါဘူး။ (အသဲပုံက စပိတ်နောက်မှာ ရှိလို့ပါ) ကတ်တွေက အနာဂတ်မှာ ဘာဖြစ်မယ် ဆိုတာကို သေချာမပြောသည့်တိုင် ဒီလူငယ်ဟာ စိတ်နဲ့ ပတ်သက်တဲ့ ပြဿနာတွေကိုလည်း ရင်ဆိုင်ဖြေရှင်းနေရတာကို တွေ့ရပါမယ်။ သူ့ဆီကို တာဝန်တွေ ဝတ္တရားတွေ အများကြီး ရောက်လာဖို့လည်း ရှိနေပါတယ်။ ဖြစ်နိုင်တာက ကျောင်းကိစ္စတွေမှာ စိတ်တစ်ခုလုံး ပုံအပ်ထားလေတော့ သူ့ရဲ့ အားအင်တွေ ကုန်ခန်းသွားတာမျိုးပါ။ စပိတ် ၅ က အပျော်အပါး လိုက်စားလွန်းတာ (သို့) အရက်သေစာ သောက်စားတာတွေကြောင့် ကိုယ်ခန္ဓာမှာ အလွန်အမင်း ဝန်ပိနေတာကို ပြဆိုတာပါ။

ဒီသုံးချပ်တွဲက ကတ်ပြားတွေရဲ့ အရုပ်ပုံကို ကြည့်မယ်ဆိုရင် Jack အရုပ်ဟာ စပိတ် ၅ ဘက်ကို ခေါင်းလှည့်နေပြီး ညှင်း ၁၀ ကို ကျောပေးထားတာ တွေ့မှာပါ။ ဒါကို ကြည့်ခြင်းဖြင့် သူ့ရဲ့ စိတ်ခံစားမှု ပြဿနာရဲ့ သဲလွန်စကို သိနိုင်ပါတယ်။ သူ့မှာ လုပ်စရာတွေရှိပါတယ်။ အလုပ်တွေက မကြာခင် ပုံပြီးတော့ကို ရောက်လာမှာပါ။ ဒါပေမယ့် သူက အလုပ်ကို ကျောခိုင်းပြီး စိတ်ပျော်စရာ ပါတီ ပွဲလမ်းတွေကို ရောက်နေတာပါ။ ဒါကြောင့် သူ့စိတ်ပြဿနာက သူ့ကိုယ်သူ ဘယ်လို တည့်မတ်မယ်ဆိုတာပေါ် မူတည်နေပါတယ်။ သူ့ရဲ့ မိခင်ဖြစ်တဲ့ Queen က သူ့ကို အနီးကပ် ထိန်းကျောင်းသင့်တာလည်း ပါဝင်ပါမယ်။

147: 10 Q 5:
Queen ဆိုတဲ့ မိခင်ဟာ ငွေကြေးနဲ့ ပတ်သက်တဲ့ အလားအလာ ဖြစ်နိုင်ချေ အတော်လေး ဝေးပါသေးတယ်။ တခါက ကျေနပ်သာယာတာတွေက ခုချိန်မှာ ထိခိုက်စရာတွေအဖြစ် ပြောင်းလဲနေပါတယ်။ သူမရဲ့ အထီးကျန်ဆန်တဲ့စိတ်က ပိုပြီး တိုးမြှင့်လာပါတယ်။ (စပိတ်ကွင်းနောက်မှာ စပိတ်၅ ထပ်လိုက်တာကြောင့်ပါ) ဒါကလည်း သူမအတွက် ရုပ်မကျန်းမာမှုကို ဖြစ်စေမှာ ဖြစ်ပါတယ်။ နောက်ထပ် သတိပြုစရာ တစ်ခုကတော့ ကွင်းစပိတ်ရဲ့ နားမှာ ရှိတဲ့ ဒိုင်းမွန်းတွေဟာ နံပါတ်အမြင့် (၉ ဒိုင်းမွန်း၊ ၁၀ ဒိုင်းမွန်း) တွေ ဖြစ်တာကို တွေ့ရပါမယ်။ ဒါကြောင့် ကိုယ်ခန္ဓာရဲ့ အမြင့်ပိုင်းဖြစ်တဲ့ ဦးခေါင်း စတာတွေမှာ ထိခိုက်နိုင်တာ (ဥပမာ ခေါင်းကိုက်၊ ခေါင်းမူးတာ) စတာတွေ ဖြစ်နိုင်ပါတယ်။

258: 9 9 J:
ဒီသုံးချပ်တွဲအရ လူငယ်ဟာ အတော်လေး ပျော်ရွှင်နေပါတယ် ဘာကြောင့်လဲဆိုတော့ ငွေကြေး အမြတ်စွန်းရမယ့် အပြောင်းအလဲတွေ ရှိနေလို့ပါပဲ။ သူ့မှာလည်း လိုချင်တဲ့ ဆန္ဒဆုတောင်းတွေ ရှိနေပါတယ်။ သူ့အဖေဆီကနေ ရတဲ့ထောက်ပံ့မှုတွေကို တခြားနေရာမှာ ပျော်ရွှင်နေတာမျိုးလည်း ဖြစ်ချင်ဖြစ်ပါမယ်။ နောက်ပြီးတော့ ဒီလူငယ်ဟာ တစ်စုံတစ်ခုကို အလွန်အမင်းလိုချင် လက်ခံစိတ် ဖြစ်နေတာကို သိနိုင်ပါတယ်။ သူဘာလိုချင်တယ်ဆိုတာကို ကတ်တွေက မပြပေမယ့် လူငယ်စိတ်ကို ခန့်မှန်းခြင်းအားဖြင့် သေးတာထက် ကြီးတာ၊ ဈေးပေါတာထက် ပိုပြီး တန်ဖိုးရှိတာ၊ စောင့်နေရတာထက် ချက်ချင်း လိုချင်နေတာကို သိသာနိုင်ပါတယ်။ ၉ ဂဏန်း နှစ်ခု အတူပူးတွဲကျတာဟာ အတွေးခေါ် စိတ်ကူးစိတ်သန်းတွေ ပြောင်းလဲနေတာကို ပြဆိုပါတယ်။ ဒါကြောင့် သူ့ရဲ့ လိုအပ်ချက်တွေဟာ သူ့ဘဝကို အနည်းနဲ့အများ ပြောင်းလဲစေမှာ အမှန်ပါပဲ။ တကယ်လို့ လူငယ်က တခြားရုပ်ဝတ္တုနဲ့ ဆိုင်တာတွေကို မလိုချင်ဘူးဆိုရင် သူ့အတွက် ကာလအတန်ကြာ လစာတိုးရတာမျိုး၊ ဒါမှမဟုတ် ထောက်ပံ့ကြေး၊ ပညာသင်ဆု ရတာမျိုးလည်းဖြစ်နိုင်ပါတယ်။

369: K 3 10:
123 အတွဲမှာ ပြခဲ့တဲ့ ငွေကြေးနဲ့ ပတ်သက်တာဟာ အသဲပုံကင်း ဖခင်ကြီးရဲ့ အမြတ်အစွန်းတွေကို တိုးပွားစေမှာ ဖြစ်ပါတယ်။ ဒိုင်းမွန်း ၃ အရ သူ့ရဲ့ ငွေကြေးတွေ တဖြည်းဖြည်း တိုးပွားလာမှာကို သိသာနိုင်ပါတယ်။ နောက်ထပ် သူသတိပြုသင့်တာက ငွေကြေးတိုးပွားလာတာနဲ့အမျှ အလုပ်တာဝန်တွေ အပေါ်မှာ သူပေးရတဲ့ အချိန်ကာလလည်း တိုးပွားလာမယ် ဆိုတာပါ။ ညှင်း ၁၀ က စီးပွားရေးနဲ့ ဆိုင်တဲ့ ကိစ္စတွေ အများကြီး သူ့ထံကို လာဦးမယ် ဆိုတာကိုလည်း လပြဆိုပါတယ်။ ရသင့်သလောက်ထက် ပိုလုပ်ရတာကိုလည်း ပြဆိုပါတယ်။ (နီနီနက် ဖြစ်လို့ပါ) ဒါကိုလည်း ဖခင်ကြီးဟာ သူ့ဘဝမှာ အတော်လေး ပူပန်ဆင်းရဲတဲ့ အခါမှာ သတိပြုမိမှာ ဖြစ်ပါတယ်။ အလုပ်တွေ တိုးလာတဲ့အခါ သူကလည်း လိုက်လျောညီထွေ ပြုပြီး အလုပ်တွေကို လုပ်နေဦးမှာ ဖြစ်ပါတယ်။ နောက်တစ်ချက်က ဒီ သုံးချပ်တွဲကနေ ဖခင်ကြီးဟာ အလုပ်နဲ့ ပတ်သက်ပြီး ခရီးထွက်ရမှာကိုလည်း ကောက်ချက် ပြုနိုင်ပါသေးတယ်။ (ဘာလို့လဲ ဆိုတော့ 123 ကော 369 အတွဲ နှစ်ခုလုံးမှာ ၁၀ နံပါတ်တွေ ပါနေလို့ပါ) အောက်မှာ ဆက်လက်ပြီး 357 အတွဲကို ကြည့်ရင် ကင်းအသဲပုံနဲ့ ပတ်သက်တဲ့ ဖွင့်ဆိုမှုကို ပိုသိရှိမှာ ဖြစ်ပါတယ်။

159: 10 9 10:
ဒီအတွဲကနေ ထပ်မံ ကောက်ချက်ပြုနိုင်တာက King of Hearts အတွက် ငွေကြေး ပြောင်းလဲမှုတွေ အပြင် ခရီးထွက်ရတာတွေလည်း ရှိနိုင်မယ် ဆိုတာပါ။

357: K 9 5:
ဒီအတွဲကတော့ လိုအင်ဆန္ဒတွေ၊ လိုချင်မှုတွေကို လျှော့သင့်တာကို ပြပါတယ်။ King Hearts အတွက် ငွေကြေး အပြောင်းအလဲတွေဟာ ကိုယ်ခန္ဓာကို ထိခိုက်စေနိုင်ပြီး ကျန်းမာရေး အားနည်းမှုကို ဦးတည်နိုင်လို့ပါ။ နောက်တစ်ချက်က အသဲပုံ ကင်းရဲ့ တဝိုက်မှာ ဒိုင်းမွန်းပုံတွေ ရှိနေတာကို တွေ့ရမှာပါ။ ဒါက ဘာကို ပြဆိုလဲ ဆိုရင် သူဟာ မိသားစုအတွက် အရေးပါတဲ့ အိမ်ထောင်ဦးစီး ဖြစ်ပေမယ့် ငွေကြေးနဲ့ စီးပွားရေးကိုသာ အဓိက အာရုံထားနေတာကို ပြဆိုပါတယ်။ သူ့ရဲ့ စည်းစိမ်၊ ငွေကြေးတွေနဲ့ သူ့မိသားစုကို အတတ်နိုင်ဆုံး ထောက်ပံ့မယ်လို့လည်း ယူဆရပါမယ်။

ဒီတော့ အဆုံးပိတ်အနေနဲ့ ဗေဒင်မေးတဲ့ အမျိုးသမီးကို အကြံပြုသင့်တာက... “သင့်ရဲ့ယောက်ျားကို အိမ်ထောင်တစ်ခုဟာ ငွေကြေးနဲ့ အဓိကတည်ဆောက်တာ မဟုတ်ဘဲ၊ မိသားစုနဲ့အတူ တန်ဖိုးရှိတဲ့ အချိန်လေးတွေလည်း ထားရှိဖို့ လိုအပ်တယ်” ဆိုတာမျိုး ဖြစ်ပါတယ်။ ဒီလိုနေထိုင်ခြင်းကြောင့် Q ရဲ့ စိတ်မရွှင်လန်းမှုတွေကို K က သိရှိသဘောပေါက်သွားမှာ ဖြစ်လို့ပါပဲ။

ဘယ်လိုပဲဖြစ်ဖြစ်ပါ။ ကိုးချပ်စလုံးကို ခြုံကြည့်တဲ့အခါ ကောင်းတဲ့ကတ်တွေ အများအပြား ရှိနေတာကို တွေ့ရမှာပါ။ စပိတ်ကတ်အနေနဲ့ ကွင်းနဲ့ ၅ ပဲ ရှီပါတယ်။ ဒါက ဗေဒင်မေးသူ အမျိုးသမီးကြီးဟာ ဖြစ်လာတဲ့ အခြေအနေတွေနဲ့ လိုက်လျောညီထွေ ရှိအောင် သူမရဲ့ သဘောထား အမြင်တွေကို ပြောင်းလဲဖို့ လိုအပ်တာကို ဆိုလိုတာပါ။

+++++++++++++++++++++++++++++++++++++++

ခုလောက်ဆိုရင်ဖြင့် ဖဲဗေဒင်နဲ့ ပတ်သက်ပြီး သဘောပေါက်ပြီလို့ ယူဆပါတယ်။ ဖတ်ရှုပြီးတဲ့အခါ ဦးနှောက်နဲ့တင် မက မိမိရဲ့ နှလုံးသားနဲ့ပါ ပေါင်းစပ်ပြီး ခံစားချက်၊ ခံယူချက်၊ အတွေ့အကြုံတွေပါ ထည့်သွင်းလိုက်မယ်ဆိုရင် ဖဲထုပ်လေး တစ်ထုပ်ကလည်း နေ့စဉ်ဘဝထဲက ကံကြမ္မာတွေကို အဖြေရှာဖို့အတွက် တိကျတဲ့ ကိရိယာပစ္စည်းတစ်ခု ဖြစ်တာကို အံ့သြဖွယ် တွေ့မြင်ရပါလိမ့်မယ်။ မရှင်းလင်းသည်များနှင့် အကြံပြုလိုသည်များကို မေးလ်မှတဆင့် ဆက်သွယ် မေးမြန်း အကြံပြုနိုင်ပါသည်။

အဆင်ပြေမည်ဟု မျှော်လင့်ယုံကြည်လျက်
အုပ်စိုး


References:
  • http://www.c-cartomancy.net/
  • http://www.hedgewytchery.com/cartomancy.html
  • http://www.serenapowers.com/playingcards2.html
  • http://www.cafeastrology.com/fortunetellingcards.html
  • http://www.secondhand-souls-4occult.com/cartomancy.html

No comments:

Post a Comment

ခံစားချက်အရ ဖွင့်ထုတ်လိုသည်များ ရှိခဲ့ပါလျှင် ရင်ထဲ၊ စိတ်ထဲ၊ ယုံကြည်ချက် ရှိသလို ပွင့်လင်းရိုးသားစွာ ဆန္ဒအမှန်ဖြင့် ဝေဖန် ဆွေးနွေး၊ အကြံပြု၊ ပြောဆို သွားနိုင်ပါသည်။





ယနေ့ ကြွလာ မိတ်သဟာ ချမ်းသာ ကိုယ်စိတ် မြဲပါစေ။
ဥပဒ် ရန်ဘေး ကင်စင်ဝေး ငြိမ်းအေး ကြပါစေ။